×

काठमाडौं, २ भदौ । कालीमाटी फलफूल तथा तरकारी बजारबाट संकलन गरिएका १० वटा तरकारीका नमुना विषादी अवशेष परीक्षणमा उपभोगयोग्य पाइएको छ । केन्द्रीय कृषि प्रयोगशालाअन्तर्गतको विषादी अवशेष द्रुत विश्लेषण प्रयोगशाला एकाइ, कालीमाटीले गरेको परीक्षणमा सबै नमुना उपभोगयोग्य देखिएका हुन् ।

प्रयोगशालाले भदौ २ गते सार्वजनिक गरेको विवरणअनुसार बन्दागोभी, काँक्रो, भिण्डी, हरियो फर्सी, घिरौला, लौका, परवल, माछे खुर्सानी र खुर्सानीका नमुना परीक्षण गरिएको थियो । परीक्षण गरिएका सबै नमुनाको कैफियतमा ‘उपभोग योग्य’ उल्लेख गरिएको छ ।

परीक्षण गरिएका नमुनामध्ये मकवानपुरको थाहा नगरपालिकाबाट बन्दागोभी, माछे खुर्सानी र खुर्सानी, दक्षिणकाली नगरपालिका काठमाडौं तथा सर्लाहीको लालबन्दीबाट काँक्रो, भिण्डी, फर्सी र परवलका नमुना संकलन गरिएको थियो । त्यस्तै काभ्रेपलाञ्चोकको पनौती नगरपालिकाबाट घिरौला तथा धादिङको बेनीघाट रोराङ गाउँपालिकाबाट लौकाको नमुना परीक्षण गरिएको प्रयोगशालाको विवरणमा उल्लेख छ ।

प्रयोगशालाले विषादी अवशेषको रोकावट प्रतिशतका आधारमा ३५ प्रतिशतभन्दा कमलाई उपभोगयोग्य (Consumable), ३५ देखि ४५ प्रतिशतसम्मलाई केही दिन राखेर पुनः परीक्षण गर्नुपर्ने (Quarantine) र ४५ प्रतिशतभन्दा बढीलाई विसर्जन गर्नुपर्ने (Disposable) मापदण्ड राखेको छ ।

प्रयोगशालाले यस परीक्षणमा कार्बामेट र अर्गानोफस्फेट समूहका कीटनाशकको मात्र परीक्षण गरिएको जनाएको छ । त्यसैले अन्य विषादी तथा रसायनका हकमा यो परीक्षण नतिजा लागू नहुने स्पष्ट पारिएको छ ।

लोकप्रिय

फूलगोभी, बन्दाकोपी र ब्रोकाउलीमा रोगको जोखिम, अपनाऔँ यी उपाय

होस्टेलको भान्सामा सरसफाइ कमजोर, सुधार गर्न निर्देशन

कालीमाटीमा परीक्षण गरिएका तरकारीमा विषादीको अवशेष मापदण्डभित्र

फूलगोभी, बन्दाकोपी र ब्रोकाउलीमा रोगको जोखिम, अपनाऔँ यी उपाय

नेपालमा अङ्गुर खेतीको सम्भावना, जात छनोटदेखि रोग व्यवस्थापनसम्म

भेडे खुर्सानीदेखि गोलभेडासम्मका १० नमुना विषादी परीक्षणमा पास

गड्यौला मल बेचेर वार्षिक २२ लाखसम्म आम्दानी गर्दै सर्लाहीका लोप्चन

काठमाडौँमा खाद्य व्यवसाय अनुगमन : म्याद गुज्रिएका खाद्यवस्तु नष्टदेखि स्वच्छता सुधारको निर्देशन

बालेन्द्रको एउटा पोस्टपछि फेरिँदै डीडीसी : बिक्री बढ्यो, किसानको भुक्तानी अवधि घट्दै

कालीमाटीका १० तरकारी तथा फलफूलमा विषादी अवशेष परीक्षण, सबै उपभोगयोग्य

किसानको मूल्य बढाउन कृषि आपूर्ति श्रृंखला सुधार्दै सरकार

साना किसानको दूध खरिद गर्न डिडिसी र कृषि सहकारीबीच सहकार्य

मासुका लागि लोकल कुखुरा पालन गर्ने तरिका के हो ?

नास्पाती खेतीमा राम्रो आम्दानीको सम्भावना, सफल उत्पादनका लागि जान्नैपर्ने ३८ प्रश्न–उत्तर

फूलगोभी, बन्दाकोपी र ब्रोकाउलीमा रोगको जोखिम, अपनाऔँ यी उपाय

मधेस प्रदेशका कम्तीमा १० पालिका केन्द्रित कार्यक्रममार्फत किसानको खेतसम्म सेवा पुर्‍याइने : मन्त्री चौधरी

काउली लगाउने बेला भयो , बेर्ना र जमिन तयारीमा जुटौँ

जनकपुरका तीन खाद्य व्यवसायमा कारबाही

६५ दिनमै तयार हुने ‘खुमल ज्यापू’ काउली खेती कसरी गर्ने ?

नेपालमा अङ्गुर खेतीको सम्भावना, जात छनोटदेखि रोग व्यवस्थापनसम्म

कोदो प्रवर्द्धनका लागि सरकार, निजी क्षेत्र, सहकारी र किसानबीच सहकार्य आवश्यक रहेको सरोकारवालाको निष्कर्ष