कालीमाटीमा महँगियो सागसब्जी, जिरीको साग किलोमै ६५० रुपैयाँ

कालीमाटी बजारमा लोकल सानो गोलभेडाको औसत मूल्य प्रतिकिलो ३५ रुपैयाँ र टनेल गोलभेडाको ५१ रुपैयाँ ६३ पैसा रहेको छ । रातो लाम्चो आलुको औसत मूल्य ४९ रुपैयाँ ८३ पैसा, रातो गोलो आलु र मुडे आलुको ५० रुपैयाँ ८३ पैसा तथा भारतीय रातो आलुको ३८ रुपैयाँ ६७ पैसा रहेको छ । सेतो आलुको औसत मूल्य ३६ रुपैयाँ १७ पैसा छ ।

तरकारीमध्ये लोकल गाजर प्रतिकिलो औसत ११० रुपैयाँ, तराईको गाजर ७५ रुपैयाँ र स्थानीय काउली ९५ रुपैयाँमा कारोबार भइरहेको छ । रायो सागको औसत मूल्य १२६ रुपैयाँ ६७ पैसा, पालुङ्गो साग २२५ रुपैयाँ तथा हरियो प्याज २१२ रुपैयाँ ५० पैसा रहेको छ ।

च्याउतर्फ कन्य च्याउको औसत मूल्य प्रतिकिलो २६० रुपैयाँ, डल्ले च्याउ ४७० रुपैयाँ, राजा च्याउ ३१३ रुपैयाँ ३३ पैसा र सिताके च्याउ ९०० रुपैयाँ रहेको छ। पार्सले प्रतिकिलो १ हजार ४५० रुपैयाँ तथा जिरीको साग ६५० रुपैयाँसम्म पुगेको छ ।

फलफूलतर्फ फुजी स्याउको औसत मूल्य प्रतिकिलो २९० रुपैयाँ, नेपाली केराको प्रतिदर्जन २७५ रुपैयाँ, कागती २२३ रुपैयाँ ३३ पैसा, अनार ३२५ रुपैयाँ र मालदह आँप २६५ रुपैयाँ रहेको छ । नेपाली मेवा ८५ रुपैयाँ तथा भारतीय मेवा ११० रुपैयाँ प्रतिकिलोमा कारोबार भइरहेको छ ।

मसला तथा अन्य वस्तुमा अदुवाको औसत मूल्य प्रतिकिलो २१५ रुपैयाँ, सुकेको खुर्सानी ५२५ रुपैयाँ, हरियो धनियाँ ३५० रुपैयाँ, चाइनिज सुकेको लसुन २२० रुपैयाँ र नेपाली सुकेको लसुन १९० रुपैयाँ रहेको छ ।

यसैगरी ताजा रहु माछाको औसत मूल्य प्रतिकिलो ३५० रुपैयाँ, बचुवा माछा ३१५ रुपैयाँ र छडी माछा ३१५ रुपैयाँ रहेको छ । बजारमा वस्तुको आपूर्ति, माग तथा गुणस्तरअनुसार मूल्यमा दैनिक रूपमा केही उतारचढाव हुन सक्ने व्यवसायीहरूले बताएका छन् ।