×

काठमाडौं । खाद्य प्रविधि तथा गुण नियन्त्रण विभागले खाद्य पदार्थको उत्पादन तथा बिक्री वितरण गर्दा अनिवार्य रूपमा लेबल राख्न र प्रचलित खाद्य ऐन तथा नियमावलीको पालना गर्न सम्बन्धित उद्योगी तथा व्यवसायीलाई आग्रह गरेको छ ।

विभागका अनुसार बजार अनुगमन तथा उपभोक्ताबाट प्राप्त गुनासोका आधारमा केही खाद्य व्यवसायीले वनस्पति घिउ, बेकरी सर्टेनिङ, पिठो, तेल, बास्ना, प्याकेजिङ सामग्री तथा अन्य खाद्य पदार्थको उत्पादन र बिक्री वितरण गर्दा आवश्यक विवरण उल्लेख नगरेको पाइएको छ ।

नेपाल सरकारले घिउ, वनस्पति घिउ तथा बेकरी सर्टेनिङको मापदण्ड खाद्य प्रयोजनका लागि तोकेको छ । तर, कतिपय उत्पादकले यस्ता वस्तु चिज वा पूजाका लागि प्रयोग हुने घिउको रूपमा उत्पादन, भण्डारण तथा बिक्री वितरण गर्ने गरेको विभागले जनाएको छ।

विभागले पूजा, होम, हवन तथा दीप प्रज्वलनका लागि तयार गरिने चिल्लो पदार्थलाई चिजको रूपमा उत्पादन तथा बिक्री वितरण गर्दा स्पष्ट विवरण खुलाउनुपर्ने जनाएको छ। त्यस्ता उत्पादनको प्रकृति, रङ, गन्ध, चिप्लोपन तथा प्रस्तुतीकरणले उपभोक्तालाई झुक्याउने गरी खाद्य पदार्थको रूपमा प्रयोग हुने वस्तुसँग भ्रम सिर्जना गर्न नहुने विभागको भनाइ छ।

त्यसैगरी, पूजा, होम, हवन तथा दीप प्रज्वलनका लागि बनाइने चिल्लो पदार्थको लेबलमा यसको वास्तविक प्रयोजन स्पष्ट उल्लेख गर्नुपर्नेछ। खाद्य प्रयोजनका लागि उत्पादन नगरिएका यस्ता वस्तुमा घिउ, वनस्पति घिउ वा बेकरी सर्टेनिङजस्ता शब्द प्रयोग गर्न नपाइने विभागले स्पष्ट पारेको छ।

विभागले खाद्य पदार्थको लेबलमा खाद्य स्वच्छता तथा गुणस्तर ऐन, २०८१ बमोजिम आवश्यक विवरण अनिवार्य रूपमा उल्लेख गरी बिक्री वितरण गर्न निर्देशन दिएको छ।

लेबलसम्बन्धी व्यवस्थाको पालना नगर्ने, खाद्य तथा अखाद्य उत्पादन मिसावट गर्ने, मिसावट गर्ने वस्तु उत्पादन गर्ने तथा गलत लेबल लगाउने कार्यमा संलग्न व्यवसायीलाई प्रचलित कानुनअनुसार कारबाही गरिने विभागले चेतावनी दिएको छ।

विभागले उपभोक्तालाई पनि खाद्य पदार्थ खरिद गर्दा लेबल, उत्पादन विवरण तथा प्रयोगको उद्देश्य जाँच गर्न आग्रह गरेको छ।

लोकप्रिय

फोहोर, झिँगा भन्किएका खाना र महँगो मूल्यको गुनासोपछि धादिङका १७ होटलको स्तरीकरण

मल खरिददेखि वितरणसम्म पारदर्शिता बढाउन डिजिटल प्रणालीमा जोड

गाजर, काउली, गोलभेँडा र खुर्सानीमा विषादी परीक्षण, सबै नमुना खान योग्य

५०-६० दिनमै तयार हुन्छ ग्याँठकोपी, कुन जात र मौसम उपयुक्त ?

मन्त्र थकालीमा कीरा भेटिएपछि २ लाख ५० हजार जरिवाना

मकवानपुरदेखि चितवनसम्मका १० नमूनाका तरकारी उपभोगयोग्य

वन र भूमि ऐन संशोधनसम्बन्धी दुई अध्यादेश जारी

मकवानपुरदेखि सलाहीसम्मका तरकारीमा विषादी अवशेष परीक्षण, सबै नमुना उपभोगयोग्य

धादिङ र चितवनका १५ होटल तथा पसलमा अनुगमन, म्याद गुज्रेका खाद्यवस्तु नष्ट

फोहोर, झिँगा भन्किएका खाना र महँगो मूल्यको गुनासोपछि धादिङका १७ होटलको स्तरीकरण

राहत खाद्य पदार्थ वितरणमा असल अभ्यास अपनाउन विभागको निर्देशन

कृषि इन्जिनियर डा. जीत चन्द ‘आउटस्ट्यान्डिङ एलुम्नाई अवार्ड २०२६’ बाट सम्मानित

अगौटे, मध्यम र पछौटे काउलीका जात कुन–कुन हुन्? यस्तो छ खेती गर्ने तरिका

गाजर खेती गर्ने सही समय कुन हो? जान्नुहोस् उपयुक्त जात र खेती प्रविधि

खाद्य अनुगमनमा कैफियतै कैफियत, कृत्रिम रंगदेखि मुसाले संक्रमित चाउमिनसम्म

दूधको फ्याट–एसएनएफ परीक्षणमै प्रश्न, मिल्क एनालाइजरप्रति किसानको अविश्वास

चौँरीको दूधबाट समृद्धिको स्वाद, छुर्पीले फेरियो टार्जनको जीवन

बागमतीको खेतीयोग्य माटोमा बढ्दै अम्लीयपन, कृषि चुन प्रयोग गर्न सुझाव

कृषि सुधारको नयाँ खाका : अनुदान होइन, किसानको पहुँच र आम्दानीमा जोड

५०-६० दिनमै तयार हुन्छ ग्याँठकोपी, कुन जात र मौसम उपयुक्त ?

परीक्षण गरिएका १० नमुनामध्ये धादिङको काँक्रोमा विषादीको मात्रा बढी, विसर्जन गर्न सिफारिस