कालिमाटी बजारमा कुन तरकारीको कति रुपैयाँ ?

स्थानीय काउलीको औसत मूल्य प्रतिकिलो ९७ रुपैयाँ ५० पैसा रहेको छ । रातो मूला ३५ रुपैयाँ, हाइब्रिड सेतो मूला ४५ रुपैयाँ, लाम्चो भान्टा ५५ रुपैयाँ र डल्लो भान्टा ६५ रुपैयाँ प्रतिकिलो रहेको छ ।

तने बोडीको औसत मूल्य प्रतिकिलो १३० रुपैयाँ र मकै बोडी ११० रुपैयाँ रहेको छ । स्थानीय तथा हाइब्रिड घिउ सिमीको मूल्य ९५ रुपैयाँ, टाटे सिमी ११० रुपैयाँ र भटमासकोशा ११० रुपैयाँ प्रतिकिलो रहेको छ । तितो करेला १२५ रुपैयाँ, लौका ९५ रुपैयाँ, स्थानीय तथा तराई परवर ८५ रुपैयाँ र चिचिण्डो २५ रुपैयाँ प्रतिकिलोमा कारोबार भइरहेको छ ।

हरियो फर्सीको डल्लोको औसत मूल्य ४५ रुपैयाँ, पाकेको फर्सी ६५ रुपैयाँ र लाम्चो हरियो फर्सी ८५ रुपैयाँ प्रतिकिलो रहेको छ । भिण्डी ९५ रुपैयाँ, सखरखण्ड ११० रुपैयाँ, पिंडालू ६५ रुपैयाँ र स्कूस २५ रुपैयाँ प्रतिकिलो रहेको छ ।

सागसब्जीमध्ये रायो, पालुंगो र चमसूरको सागको औसत मूल्य प्रतिकिलो १७५ रुपैयाँ रहेको छ भने तोरीको साग ७५ रुपैयाँमा कारोबार भइरहेको छ । हरियो प्याजको मूल्य प्रतिकिलो २७५ रुपैयाँ पुगेको छ ।

च्याउतर्फ कन्य च्याउको औसत मूल्य प्रतिकिलो २३१ रुपैयाँ ६७ पैसा, डल्ले च्याउ ४२५ रुपैयाँ, राजा च्याउ ३२० रुपैयाँ र सिताके च्याउ ९०० रुपैयाँ रहेको छ । कुरिलो प्रतिकिलो ७५० रुपैयाँ तथा ब्रोकाउली २७५ रुपैयाँमा कारोबार भइरहेको छ ।

फलफूलतर्फ फुजी स्याउको औसत मूल्य प्रतिकिलो ३२५ रुपैयाँ, जुम्लाको स्याउ ३०० रुपैयाँ र मुस्ताङको स्याउ २२५ रुपैयाँ रहेको छ । नेपाली केराको मूल्य दर्जनको १७५ रुपैयाँ र मालभोग केराको १२५ रुपैयाँ रहेको छ। कागती प्रतिकिलो २५० रुपैयाँ, अनार ३२५ रुपैयाँ र भारतीय सुन्तला १७५ रुपैयाँमा कारोबार भइरहेको छ ।

काक्रोतर्फ स्थानीय काक्रोको औसत मूल्य प्रतिकिलो ४९ रुपैयाँ ३८ पैसा, हाइब्रिड काक्रो १८ रुपैयाँ ३३ पैसा र स्थानीय क्रस काक्रो ५१ रुपैयाँ २५ पैसा रहेको छ । नासपाती स्थानीय ९५ रुपैयाँ र चिनियाँ नासपाती २२५ रुपैयाँ प्रतिकिलो रहेको छ ।

मसला तथा अन्य कृषि उपजतर्फ अदुवाको औसत मूल्य प्रतिकिलो २१५ रुपैयाँ, सुकेको खुर्सानी ५३६ रुपैयाँ ६७ पैसा, लाम्चो तथा बुलेट हरियो खुर्सानी १५५ रुपैयाँ र अकबरे खुर्सानी ९० रुपैयाँ रहेको छ । हरियो धनिया २५० रुपैयाँ, सुकेको चाइनिज लसुन २४५ रुपैयाँ र सुकेको नेपाली लसुन २२० रुपैयाँ प्रतिकिलो रहेको छ ।

माछातर्फ सुकेको माछाको औसत मूल्य प्रतिकिलो ९०० रुपैयाँ रहेको छ । ताजा रहु माछा ३५५ रुपैयाँ, बचुवा ३२० रुपैयाँ र छडी माछा ३३५ रुपैयाँ प्रतिकिलोमा कारोबार भइरहेको छ ।