कालीमाटीमा कुन तरकारी र फलफूलको मूल्य कति ? यस्तो छ आजको बजार भाउ

आलुतर्फ रातो लाम्चो आलु प्रतिकिलो ४८ देखि ५१ रुपैयाँ, रातो गोलो आलु ४८ देखि ५३ रुपैयाँ, रातो मुडे आलु ४८ देखि ५३ रुपैयाँ, भारतीय रातो आलु ३८ देखि ४० रुपैयाँ र सेतो आलु ३५ देखि ३८ रुपैयाँसम्म रहेको छ । सुकेको भारतीय प्याज प्रतिकिलो ७५ देखि ७८ रुपैयाँमा कारोबार भइरहेको छ ।

तरकारीमध्ये स्थानीय गाजर प्रतिकिलो १०० देखि १२० रुपैयाँ र तराईको गाजर ७० देखि ८० रुपैयाँसम्म रहेको छ । स्थानीय काउली ९० देखि ११० रुपैयाँ, बन्दा ४० देखि ५० रुपैयाँ तथा रातो मूला २० देखि ३० रुपैयाँसम्म रहेको छ ।

हरियो तरकारीतर्फ बोडी प्रतिकिलो ८० देखि ९० रुपैयाँ, मकै बोडी १०० देखि १२० रुपैयाँ, स्थानीय घिउ सिमी ८० देखि १०० रुपैयाँ, टाटे सिमी ७० देखि ८० रुपैयाँ र भटमासकोशा १०० देखि १३० रुपैयाँसम्म रहेको छ । करेला ४० देखि ५० रुपैयाँ, लौका ५० देखि ६० रुपैयाँ तथा भिण्डी ५० देखि ६० रुपैयाँसम्म रहेको छ ।

सागमध्ये रायोको साग प्रतिकिलो १०० देखि १५० रुपैयाँ, पालुङ्गो साग २०० देखि २५० रुपैयाँ, तोरीको साग ८० देखि १२० रुपैयाँ र हरियो प्याज १०० देखि १५० रुपैयाँसम्म रहेको छ ।

च्याउतर्फ कन्य च्याउ प्रतिकिलो २४० देखि २८० रुपैयाँ, डल्ले च्याउ ४०० देखि ४५० रुपैयाँ, राजा च्याउ ३०० देखि ३३० रुपैयाँ र सिताके च्याउ ८०० देखि १ हजार रुपैयाँसम्म रहेको छ । पार्सले सबैभन्दा महँगो हरियो तरकारीमध्ये देखिएको छ, जसको मूल्य प्रतिकिलो १ हजार ४०० देखि १ हजार ५०० रुपैयाँसम्म रहेको छ ।

फलफूलतर्फ फुजी स्याउ प्रतिकिलो २८० देखि ३०० रुपैयाँ, नेपाली केरा दर्जनको २५० देखि ३०० रुपैयाँ, मालभोग केरा १८० देखि २०० रुपैयाँ, कागती २२० देखि २८० रुपैयाँ र अनार ३०० देखि ३५० रुपैयाँसम्म रहेको छ ।

त्यस्तै मालदह आँप प्रतिकिलो २५० देखि २८० रुपैयाँ, चोसा आँप २३० देखि २५० रुपैयाँ, जुनार २७० देखि ३०० रुपैयाँ, किवी ३५० देखि ४०० रुपैयाँ, एभोकाडो ३५० देखि ४०० रुपैयाँ र ड्रागन फ्रुट ४०० देखि ५०० रुपैयाँसम्म रहेको छ ।

मसलाजन्य वस्तुमा अदुवा प्रतिकिलो २०० देखि २३० रुपैयाँ, सुकेको खुर्सानी ५०० देखि ५५० रुपैयाँ, हरियो अकबरे खुर्सानी २०० देखि २५० रुपैयाँ, हरियो धनियाँ २५० देखि ३५० रुपैयाँ र चाइनिज सुकेको लसुन २०० देखि २३० रुपैयाँसम्म रहेको छ ।

माछातर्फ सुकेको माछा प्रतिकिलो ८०० देखि १ हजार रुपैयाँ, ताजा रहु ३४० देखि ३७० रुपैयाँ, बचुवा ३०० देखि ३४० रुपैयाँ र छडी माछा ३२० देखि ३५० रुपैयाँसम्म रहेको छ ।