तिहारमा प्लास्टिकका फूलमाला बिक्रीमा प्रतिबन्ध, महानगरले तोक्यो स्वदेशी फूल बिक्री गर्ने स्थान

काठमाडौं । तिहारलाई लक्षित गर्दै काठमाडौं महानगरपालिकाले स्वदेशी फूल तथा माला बिक्री–वितरणका लागि महानगरका विभिन्न स्थान तोकेको छ। महानगरपालिकाले प्लास्टिकजन्य फूल, माला तथा सजावटका सामग्री बिक्री–वितरणमा रोक लगाउँदै नेपाली किसानले उत्पादन गरेका फूललाई प्राथमिकता दिन आग्रह गरेको हो।

महानगरपालिका नगर कार्यपालिकाको कार्यालय र महानगर प्रहरी बलले सूचना जारी गर्दै स्वदेशी फूल तथा मालाको बिक्री प्रवर्द्धन गर्न व्यवसायी र सर्वसाधारणलाई अनुरोध गरेको छ। प्लास्टिकजन्य वा गुणस्तर कायम नभएका फूलमाला तथा सजावटका सामग्री बिक्री गरेको पाइएमा जफत गरिने सूचनामा उल्लेख छ।

महानगरले फूलमाला बिक्रीका लागि निम्न स्थान तोकेको छ। महानगरपालिकाले स्वदेशी फूलको उत्पादन र बजारीकरणलाई प्रोत्साहन गर्दै नेपाली किसानको उत्पादनलाई उपभोक्तासम्म पुर्‍याउने उद्देश्यले बिक्री स्थल निर्धारण गरेको जनाएको छ। महानगरले तिहारमा स्वदेशी फूलमाला प्रयोग गर्न र स्थानीय किसानलाई प्रोत्साहन गर्न पनि आग्रह गरेको छ।