प्रयोगशालाले मङ्सिर ४ गते गरेको परीक्षणमा सबै नमुनामा रहेको कार्बामेट र अर्गानोफस्फेट समूहका विषादीको अवशेष तोकिएको सुरक्षित सीमाभित्र रहेको जनाएको छ ।
परीक्षण गरिएका नमुनामा बन्दागोभी, भान्टा, काउली, भेडेखुर्सानी, गोलभेँडा, हरियो फर्सी, खुर्सानी, आलु र प्याज रहेका छन् । ती नमुना काठमाडौँ, धादिङ, गोरखा, चितवन तथा भारतबाट सङ्कलन गरिएका थिए ।
प्रयोगशालाको प्रतिवेदनअनुसार सबै १० नमुना उपभोगयोग्य रहेको उल्लेख छ । परीक्षणमा कार्बामेट र अर्गानोफस्फेट समूहका विषादीको अवशेष विश्लेषण गरिएको थियो ।
प्रतिवेदनमा विषादी अवशेषको मात्रा ३५ प्रतिशतभन्दा कम भए उपभोगयोग्य, ३५ देखि ४५ प्रतिशतसम्म भए केही दिन क्वारेन्टाइनमा राखेर पुनः परीक्षण गर्नुपर्ने र ४५ प्रतिशतभन्दा बढी भए विसर्जन गर्नुपर्ने व्यवस्था उल्लेख गरिएको छ ।
प्रयोगशालाले परीक्षणको नतिजा आवश्यक जानकारी तथा कारबाहीका लागि राष्ट्रिय बाली संरक्षण तथा विषादी व्यवस्थापन केन्द्र र कालीमाटी फलफूल तथा तरकारी बजार विकास समितिलाई पठाएको जनाएको छ ।
















प्रतिक्रिया थप्नुहोस्