केरा र उखु किसानका समस्या प्रत्यक्ष रुपमा बुझ्न कृषिमन्त्री खनाल सुस्ता पुगे

२०७५ माघ १५ मंगलबार ०८:०१:०० मा प्रकाशित

हलोखबर

halokhabar

परासी, १५ माघ । कृषि तथा पशुपक्षी विकासमन्त्री चक्रपाणि खनालले कृषि क्षेत्रमा देखिएका समस्या र चुनौती समाधान गर्न वर्तमान सरकार प्रतिबद्ध भएर लागेको बताएको छ । केरा र उखु किसानका समस्या प्रत्यक्ष रुपमा बुझ्न सोमबार पश्चिम नवलपरासीको सुस्ता गाउँपालिकाको रतनगञ्ज पुगेका उनले स्थानीय किसानसँग सरकारले गरेका कार्यको परिणामका लागि केही समय धैर्य गर्न आग्रह गरे । 

मन्त्री खनाललाई नवलपरासी केरा उत्पादक सङ्घका तर्फबाट अध्यक्ष लख्खु यादवले दशबुँदे ज्ञापन पत्र बुझाएका थिए । आफूहरुले पसिना बगाएर उब्जाउने केराको मूल्य विचौलियाले आफूखुशी तोक्ने गरेको भन्दै केरा उत्पादक कृषकले समयमै सरकारले केराको मूल्य तोक्नुपर्ने माग गरेका थिए । विचौलियाले किसानसँग सस्तो मूल्यमा किन्ने र व्यापारीलाई महङ्गोमा बिक्री गर्ने गरेको अध्यक्ष यादवले बताए । खुल्ला सिमानाका कारण भारतबाट आयात हुने सस्तो मूल्यका केराले नेपाली किसान मर्कामा परेको पनि सङ्घका महासचिव मदनकुमार कुशवाहाले बताए । 

किसानले सरकारले मल, बीउ, सिँचाइ लगायतका अत्यावश्यक सेवा उपलब्ध गराउनुपर्ने, नवलपरासीको दक्षिणी क्षेत्र केराखेतीका लागि ठूलो सम्भावना भएर पनि केरा सङ्कलन एवं वितरण केन्द्रको अभावका कारण समस्या भोग्नु परेको गुनासो गरेका थिए । प्रत्येक पालिकामा चिस्यान केन्द्र, नवलपरासीको सुस्ता र प्रतापपुर गाउँपालिकाका बीचमा पर्ने गरी केराको शीत भण्डार, कृषि उद्योगको स्थपना, कृषि औजारमा भन्सार छुट, केराको पकेट क्षेत्रमा केराका विज्ञहरुको समेत आवश्यकता रहेको माग गरेका थिए । 

केरा किसानको मागमा मन्त्री खनालले कृषकका समस्या समाधान गर्ने भन्दै ढुक्क हुन आग्रह गरे । पश्चिम नवलपरासीको दक्षिणी क्षेत्रमा पछिल्लो समय उखु छोडेर किसानले केराखेती गरिरहेका छन् । 

यसैगरी सोमबार नै कृषिमन्त्री खनालले प्रतापपुर गाउँपालिकामा उखु र केरा उत्पादक किसानसँग अन्तरक्रिया गरेका थिए  । नेपाल कम्युनिष्ट पार्टी९नेकपा० सुस्ता र प्रतापपुर गाउँपालिका कमिटीको आयोजनामा भएको सो कार्यक्रममा सहभागी उखु किसानले प्रत्येक वर्षको भदौ÷असोज महीनाभित्रै न्यूनतम समर्थन मूल्य तोक्न माग गरेका थिए । 

उखु किसानले उखु बिक्री गरेको एक महीनाभित्रै भुक्तानीको सुविधा हुनुपर्ने र सरकारले किसान र चिनी कारखानालाई फाइदा हुने गरी उन्नत जातको उखुखेतीतर्फ उत्प्रेरित गर्नुपर्ने सुझाव पनि दिएका थिए । रासस
 

प्रतिकृया दिनुहोस

प्रदेश सरकारले कृषि क्षेत्रलाई प्राथमिकता दिएको छ: मन्त्री साह

लहान, १० फागुन । प्रदेश नं २ का भूमि व्यवस्था, कृषि तथा सहकारीमन्त्री शैलेन्द्रप्रसाद साहले सिरहाको मिर्चैयामा आधुनिक वधशाला र कृषि हाटबजार निर्माण

बिरुवा वितरणमा अनियमितता भएको कृषकको गुनासो

हुम्ला, ९ फागुन । सिमकोट गाउँपालिकाले गत माघ २९ गतेदेखि निःशुल्क रुपमा शुरु गरेको स्याउ र ओखरका बिरुवा वितरण कार्यमा अनियमितता भएको जनाइएको छ ।

अब दैलेखको गाउँमैं अल्लो प्रशोधन हुने

दैलेख, ७ फागुन । परम्परागत रुपमा अल्लो काट्ने सुकाउने, गरिँदै आएकामा अब भने जिल्लाको नौमूलेमा आधुनिक उपकरणको प्रयोग गरिने भएको छ । परम्परागत रुपमा