Wednesday July 18, 2018  
   | 

मूख्य समाचार

  • कृषि अनुदानमा हुने दुरुपयोग रोकिने

    काठमाडौं । कृषि, भूमि व्यवस्थापन तथा सहकारीमन्त्री चक्रपाणि खनालले कृषि अनुदानमा हुने दुरुपयोग रोक्न सरकारले विशेष व्यवस्था ल्याउने बताउनुभएको छ । मेहनती किसानका लागि सरकारले उपलब्ध गराउँदै आएको अनुदान वास्तविक किसानसम्म नपुगेको दाबी गर्दै मन्त्री खनालले अब सिधै किसानको हातमा पुग्ने व्यवस्था मिलाइरहेको जानकारी दिनुभएको हो ।

  • किसान चैतेधानमा अनुदान पाउनबाट वञ्चित

    काठमाडौं । चालु आर्थिक वर्षमा कृषितर्फ विनियोजित बजेट पर्वत जिल्लाको पैयुँ गाउँपालिकाले अन्य शीर्षकमा लगानी गरेपछि किसानले यस वर्ष चैतेधानमा अनुदान पाउन सकेका छैनन् । चालु आवमा वित्तीय समानीकरण शीर्षकमार्फत कृषिमा विनियोजित बजेट स्थानीय तहले अन्यत्रै खर्च गरेपछि किसान अनुदान पाउनबाट वञ्चित भएका हुन् ।

  • अनुदानमा औद्योगिक उपकरण वितरण

    काठमाडौं । डोटीमा व्यवसाय गर्दै आएका घरेलु तथा साना उद्योगीलाई ८० प्रतिशत अनुदानमा औद्योगिक उपकरण प्रदान गरिएको छ । घरेलु तथा साना उद्योग विकास समितिको चालू आर्थिक वर्ष २०७४/०७५ को वार्षिक कार्यक्रमअनुसार घरेलु तथा साना उद्योगलाई प्रविधि सहयोग कार्यक्रमअन्तर्गत छनोटमा परेका ४९ व्यवसायीलाई सोमबार एक कार्यक्रमका बीच उक्त अनुदान वितरण गरिएको हो ।

  • बाँझिएको जमिनमा जडीबुटी खेती

    काठमाडौं । म्याग्दीको उच्च पहाडी क्षेत्रमा बाँझिएको जमिनको सदुपयोग र स्थानीयवासीको आयआर्जनमा सुधार ल्याउने उद्देश्यले मंगला गाउँपालिकामा व्यावसायिक जडीबुटी खेती शुरु गरिएको छ । मंगला गाउँपालिका र इलाका वन कार्यालय बाबियाचौरको पहलमा झाँक्रेपानी, धापुङ, किमचौर, सिरकुम, पूर्णगाउँ, थाइवाङ र हिदीमा सतुवाको खेती शुरु गरिएको हो ।

  • यसवर्ष आँप उत्पादनमा वृद्धि

    काठमाडौं । धनुषासहित तराईका जिल्लामा यसवर्ष आँप उत्पादनमा वृद्धि हुने भएको छ । आँपको रुखमा सबैतिर मज्जर (आँपको फूल) बढी मात्रामा लागेको देखेर किसान हर्षित भएका छन् । क्षीरेश्वरनाथ नगरपालिका– ५ महेन्द्रनगरका किसान रामदेव यादवले प्राय सबैतिर आँपको बगैचामा शुरुदेखि नै राम्रो फूल लागेको हुँदा गत वर्षभन्दा यसवर्ष आँप उत्पादनमा वृद्धि हुने बताउन हुन्छ ।

  • बेगनास ताल किनारमा माछा महोत्सव

    काठमाडौं । होटल तथा रेष्टुरेन्ट एशोसिएसन लेखनाथको आयोजनामा नयाँ वर्षको अवसर पारी पोखराको बेगनास ताल किनारमा माछा महोत्सव हुने भएको छ । लेखनाथ क्षेत्रका पर्यटकीयस्थलका साथै यहाँ पाइने माछा, मह, कफी तथा जडीबुटीको प्रचारप्रसार लगायतका उद्देश्य राखी महोत्सव आयोजना गरिएको छ ।

  • कम उचाइमै चौँरीपालन

    काठमाडौं । जलवायु परिवर्तनलाई मध्यनजर गर्दै सबैभन्दा कम उचाइमा चौँरीपालन शुरु गरिएको छ । मनाङ नासोङ–४ ओडारगाउँका सुरेश थकालीले प्राय जसो चार हजार मिटरभन्दा माथि पालिने चौँरी अहिले करीब दुई हजार मिटर उचाइमा राखेर पाल्नु भएको हो ।

  • युवा आधुनिक र प्रविधियुक्त तरकारीखेती गर्दै

    काठमाडौं । मुलुकमा अहिले आधुनिक र प्रविधि मार्फत तरकारीखेती तर्फ युवाको आकर्षण बढ्दैं जान थालेका छन् । इञ्जिनियरिङ पढाइ सक्नुभएका जाजरकोटका मानबहादुर तामाङले तीन वर्ष अघिबाट बडिखेलमा तरकारीखेती गरिरहनुभएको छ ।

  • भैँसीपालनबाट स्वादेशमै मासिक डेढ लाख आम्दानी

    काठमाडौं । पछिल्लो समय किसानले भैसीपालनबाट राम्रो आम्दानी गर्न थालेकाछन् । पाल्पा रामपुर–६ विजयपुरका कृष्ण अर्यालले व्यावसायिक भैँसीपालनबाट मासिक रु एक लाख पचास हजार आम्दानी गर्न सफल हुनुभएको हो ।

  • दाङमा पशुपक्षी बीमा गराउने बढ्दै

    काठमाडौं । दाङ जिल्लाका पशुपालक किसानले पशुपक्षीको बीमा गराउन थालेका छन् । बीमा गराउँदा सरकारले अनुदान दिन थालेपछि जिल्लामा पशुपछी बीमा गराउने क्रम बढ्दै गएका हुन् । पशु बीमा गर्दा लाग्ने खर्चमध्ये ७५ प्रतिशत रकम सरकारले अनुदानबापत बीमा कम्पनीलाई भुक्तानी दिएसँगै पशुपक्षी बीमा गराउने क्रम बढ्दै गएको जिल्ला पशु सेवा कार्यालयका प्रमुख डा चन्द्रबहादुर रानाले जानकारी दिनुभयो ।