जुम्लामा वृक्षरोपण अभियान

(No Comments)     July 4, 2016    

जुम्ला, २० असार । ‘रुख रोपौँ वन जोगाऔँ, जुम्ला जिल्लालाई हरियाली बनाऔँ’ भन्ने मूल नाराका साथ यहाँको कुडारी गाविस–१ पहाडा लुम्सेरास्थित सेरीडाँडा राष्ट्रिय वन क्षेत्रमा आठ हजार बिरुवा रोप्न सुरु गरिएको छ । 

सो वृक्षरोपण अभियानको आइतबार संस्कृति, पर्यटन तथा नागरिक उड्डयन राज्यमन्त्री बलबहादुर महतले शुभारम्भ गर्नुभयो । कार्यक्रममा राज्यमन्त्री महतले बर्से्नि तीव्ररुपमा जङ्गल मासिँदै गएका कारण खडेरी परेको उल्लेख गर्दै अब जुम्लाबाटै ‘हरियो वन नेपालको धन’ भन्ने उक्तिलाई साकार पार्नुपर्नेमा जोड दिनुभयो ।

जिल्ला वन अधिकृत मोहनप्रसाद श्रेष्ठले वन तथा भू–संरक्षण मन्त्रालयको आँकडामा मुलुकमा पाँच प्रतिशतले वन बढिरहेको बेला जुम्लामा चार प्रतिशत घटेको तथ्य प्रस्तुत गर्नुभयो ।

वन कार्यालयले पाँच हेक्टर जमिनमा मोडेलका रुपमा गोब्रेसल्ला र देवदार बिरुवा लगाउने कार्यत्रम सुरु गरेको हो ।  

सो कार्यक्रमका लागि जिल्ला वन कार्यालय जुम्लाले रु दुईलाख ५० हजार, नेपाल जलवायु परिवर्तन सहयोग कार्यक्रमले रु एक लाख र कुडारी गाविसको रु एक लाख गरी जम्मा रु चार लाख ५० हजार खर्च गरिएको सहायक वन अधिकृत श्यामलाल महतले जानकारी दिनुभयो । रासस

Comments

comments

Related Posts